ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Европската комисија уште еднаш ја намали прогнозата за германскиот економски раст за оваа година. Според новиот извештај, бруто домашниот производ на Германија ќе расте со стапка од само 0,1 отсто во 2024 година.
Економистите го објаснуваат измачувачкото бавно закрепнување на германската економија на слабата странска побарувачка, воздржаната домашна потрошувачка и недоволните инвестиции, пренесува ДПА.
Европската комисија претходно прогнозираше раст од 0,3 отсто за најголемата европска економија.
Во исто време, изгледите за целата економија на Европската унија се нешто подобри. Комисијата сега смета на малку постабилен раст и стапка од точно еден процентен поен, 0,1 отсто повеќе отколку што прогнозираше во февруари.
Брисел ја остави проценката за растот во еврозоната на 0,8 отсто.
