ИЗБОРИТЕ МЕСЕЦОВ СЕ ПОСЛЕДНИ ЗА НЕГО: Ердоган ќе се повлече од политиката
Tурскиот претседател Реџеп Таип Ердоган ќе се повлече од политиката. Тој изјави дека претстојните локални избори што ќе се одржат на 31 март, ќе бидат последни за него. Ердоган најави крај на неговото дведецениско владеење.
„Според мандатот што е даден од законот, ова ми се последните избори. Работиме без прекин. Резултатот од овие избори ќе биде благословување на моите браќа и сестри кои ќе дојдат после мене, тоа ќе биде трансфер на довербата“, изјави Ердоган.
Ова е првпат Ердоган да зборува за заминување од власта, што ја презеде уште во 2003 година. Седумдесетгодишниот Ердоган е уверен дека неговата конзервативна партија Закон и развој ќе продолжи да владее во Турција и после него и дека на овие локални избори ќе победи во Истанбул, што го изгуби во 2019 година.
Ердоган беше градоначалник на градот Истанбул од 1994 до 1998, а за премиер првпат е избран во 2003 година. Оттогаш победи на повеќе од десет избори, а нов петгодишен мандат освои минатата година.
