ИТНО ОБРАЌАЊЕ НА ГЕНЕРАЛОТ НА ВОЈСКАТА НА СРБИЈА: Бараме итни мерки за заштита на српскиот народ на Косово
Началникот на Генералштабот на вооружените сили на Србија, генерал Милан Мојсиловиќ се обрати до нацијата во врска со ситуацијата на Косово и Метохија.
– Сакам да ве информирам дека српскиот народ на Косово и Метохија е изложен на страшен погром од приштинскиот режим на Аљбин Курти. Србите се секојдневна мета на Аљбин Курти. Единствена вина им е што имаат српски имиња и презимиња, а веројатно и што не сакаат да го напуштат своето огниште. Теророт што го спроведува режимот на Курти веќе не може физички да се издржи.
Согласно сите факти и поради коректната и професионална соработка што ја имаме, го информирав командантот на КФОР дека со голема вознемиреност ги следиме настаните и бараме да се преземат итни мерки за заштита на српскиот народ и неговото право на опстанок. Ова е нашата молба до единиците на КФОР, целиот КФОР и другите меѓународни безбедносни институции на Косово и Метохија.
– Армијата на Србија ги исполни и ги исполнува сите свои меѓународни обврски кои произлегуваат од резолуцијата 1244 на Обединетите нации, воено-техничкиот договор и сите времени процедури, за работа и режим на работа по административна линија. Но, денес е јасно дека меѓународната заедница не ја исполнува својата улога. Српските вооружени сили, во согласност со Уставот на Република Србија и Повелбата на Обединетите нации, доколку добијат наредба од Врховниот командант, целосно ќе ги извршуваат сите свои задачи во однос на севкупната безбедносна криза. Да живее Србија – рече тој.
Фото: Принтскрин/Јутуб/Танјуг
