Исак херој со два гола – Њукасл со пенал во 93-та до важна победа за ЛШ во Нотингем (ВИДЕО)

Исак во 93-та минута го реализираше пеналот за триумф и многу важни три бода, откако во судиското надополнување даде гол и за израмнување (45+2), откако Нотингем поведе на средина од првиот дел (26-та минута) со гол на Емануел Денис.

Со оваа победа, 12-та сезонава за Њукасл, овој клуб сега дојде до 47 бода на табелата после 26 одиграмни мечеви, еден зад четвртиот Тотнем кој има 27 одиграни дуели, а само три од третиот Манчестер јунајтед, додека Ливерпул сега е на минус шест бода од Њукасл.

Нотингем Форест, пак, со 13-от пораз сезонава остана на 26 бода во жестоката битка за опстанокот, само четири од последниот Саутемптон, три од претпоследниот Лидс, а два од првиот во опасната зона Бормут.