Атлетик Билбао излезе од едномесечната криза со лесна победа кај Валјадолид (ВИДЕО)

Атлетик немаше победа од 11 февруари кога ја победија Валенсија и потоа запишаа три порази и реми во следните четири меча во Ла Лига, а загубија и од Осасуна во полуфиналето на Купот, па денеска за еден час дадоа два гола и потоа сѐ беше полесно за триумф.

Мартинез погоди во 30-та за водство, Гурузета во 57-та додаде втор, а откако Ларин го врати Валјадолид во мечот со погодокот за намалување на предноста во 74-та минута, Весга четири минути потоа од пенал стави печат на триумфот на Баскијците.

Атлетик со десетата победа дојде до 36 бода на седмото место, два зад Вилјареал, додека Валјадолид по 14-от пораз остана на 28 бода на 14-то место, само два од првата најзагрозена екипа во опасната зона Хетафе, а три од претпоследната Алмерија.