Иран лансираше повеќе од 100 дронови кон Израел
Портпаролот на израелската војска денес изјави дека Иран лансирал повеќе од 100 беспилотни летала кон Израел во последните неколку часа, откако земјата вети одмазда за израелските напади, објави Скај њуз.
Портпаролот рече дека 200 израелски борбени авиони учествувале во напади врз повеќе од 100 цели во Иран во текот на ноќта.
Израелската армија денес објави дека во текот на ноќта започнала напади врз неколку места во Иран, како и дека целите на нападите, меѓу другото, биле цели поврзани со нуклеарната програма, пренесува Танјуг.
Израелскиот министер за одбрана Израел Кац изјави дека станува збор за „превентивни напади“ и дека во земјата е прогласена вонредна состојба, пренесува АБЦ Њус.
