Инцидент во игротека во Аеродром: Маж се однесувал агресивно кон дете, таткото влегол во физичка пресметка
Секторот за внатрешни работи (СВР) Скопје евидентираше нарушување на јавниот ред и мир во угостителски објект во скопската населба Аеродром, каде вербална расправија во детска игротека прераснала во физичка пресметка меѓу двајца мажи.
Случајот е пријавен во полиција вчера попладне (13.12.2025) во 16:30 часот, а самиот инцидент се случил ден претходно, на 12 декември, околу 16:40 часот.
Според пријавата во полицискиот билтен, лицето М.К. манифестирало агресивно однесување кон малолетник кој во тој момент бил во игротеката на објектот. Ситуацијата ескалирала кога таткото на детето реагирал на однесувањето на М.К., по што настанала директна физичка пресметка помеѓу двајцата.
Од Министерството за внатрешни работи информираат дека се преземаат мерки за целосно расчистување на случајот и утврдување на одговорноста на инволвираните страни.
