Имаше ли реална потреба од свечен дочек на последната пратка обрасци?

Пред два дена на Граничиот премин Богородица пристигнаа 140.000 обрасци за пасоши.

За овој навидум секојдневен настан, беше организиран свечен дочек, а за истиот медиумите беа информирани на полноќ.

Имено, нив ги пречека дополнителниот заменик министер за внатрешни работи Митко Бојмацалиев, а со тоа демонстрираше концепт „МВР за Граѓаните” .

Вчера во емисија на ТВ21 го прашаа заменик министерот дали имало реална потреба од ваков пречек, а тој истакна дека не се работело за никаков свечен пречек и истото било направено од неколку причини бидејќи имало лажни вести за тоа кога стигнуваат или не стигнуваат овие обрасци.

„Таа акција ја направив од таа причина за на граѓаните да им покажам дека тоа што го говорам последните денови, дека пратката ќе стигне до четврток или петок, во таа бројка тогаш и таму, да им докажам дека тоа што го зборам е навистина така. Дека не се бавам со ситни политички поени на дневна основа или лајк на Фејсбук“, порача Бојмацалиев.