Бугарите бараат објаснување од Русите за Навални
Руската амбасадорка во Бугарија Елеонора Митрофанова била поканета во Министерството за надворешни работи по повод смртта на рускиот опозициски лидер Алексеј Навални, објавено е денеска на веб-страницата на министерството.
На состанокот се појави и вршителот на должноста Валентин Солодкин и му беше врачен демарш.
Бугарија апелираше до властите во Москва веднаш да спроведат транспарентна, темелна и објективна истрага, во која ќе биде вклучена и независна меѓународна комисија, со цел да се разјаснат сите околности поврзани со смртта на Навални.
„Очекуваме во најбрз можен рок виновниците да бидат изведени пред лицето на правдата. Апелираме посмртните останки на Навални веднаш да му бидат предадени на семејството, за да можат да организираат погребна церемонија“, се наведува во соопштението на веб-страницата на бугарското Министерство за надворешни работи.
Бугарската страна повика на итно и безусловно ослободување на сите други политички затвореници, вклучувајќи ги Јуриј Дмитриев, Владимир Кара-Мурза, Илја Јашин, Алексеј Горинов, Лилија Чанишева, Ксенија Фадеева, Александра Скочиленко и Иван Сафронов, како и активистите за човекови права. новинари и антивоени активисти неправедно приведени поради спротивставување на руската агресија врз Украина.
