ИМА ПРОМЕНИ: Колкав економски раст бележи Русија во вториот квартал?

Руската економија забавува. Во вториот квартал растот е 4 отсто, oбјави Росстат. 

На растот на економијата, според извештаите, најмногу влијаеле прометот на големо, кој во вториот квартал пораснал за 8,3 отсто на годишно ниво, како и прометот на мало за 7,3 отсто и преработувачкото производство за 7,3 отсто.

Економијата забави во однос на првиот квартал од 2024 година, кога растот на рускиот БДП на годишно ниво беше забележан за 5,4 отсто, пренесува Комерсант.