Илон Маск основа партија?
Пред два дена, Илон Маск ги праша своите следбеници на X дали на САД им е потребна нова политичка партија. Причината за таквата објава беше, секако, жестоката расправија што избувна меѓу него и Доналд Трамп.
„Дали е време да се основа нова политичка партија во САД што би претставувала 80 проценти од луѓето“, праша Маск пред два дена.
Осумдесет проценти од луѓето одговорија со „да“, објави Index.hr.
Синоќа, Маск посочи дека ова може да се случи.
„Народот проговори. На Америка ѝ е потребна нова политичка партија што ќе претставува 80 проценти од луѓето. И точно 80 проценти од луѓето се согласуваат дека е потребна нова партија. Тоа е судбина“, напиша Маск.
Потоа го откри името.
„Американската партија“, напиша тој во продолжението на објавата.
