Маск: Го вклучив Старлинк во Иран за да имаат интернет
Милијардерот Илон Маск на социјалната мрежа Икс објави дека го активирал системот за сателитска комуникација Старлинк во Иран откако властите во Техеран им го блокираа пристапот на граѓаните до интернет поради израелските напади врз иранската нуклеарна програма рано наутро во петокот.
„Сигналот е вклучен“, напиша Маск.
Министерството за комуникации на Иран вчера објави дека, поради моменталната ситуација, се воведени привремени ограничувања во пристапот до интернетот во земјата, со што ефикасно се блокира пристапот на граѓаните до странски извори на информации за време на конфликтот меѓу Техеран и Ерусалим.
