ХРВАТИТЕ СЕ ЖАЛАТ ПОРАДИ ВИСОКИТЕ ЦЕНИ: Бараат повисоки плати за достоинствен живот

Иако платите во Хрватска растат, сепак Хрватите велат дека им требаат повеќе пари за пристоен живот. 

„Имаме европски цени, но немаме европски плати. 1.300 евра, колку што е просечната плата во Хрватска, не се доволни за достоинствен живот“, вели Љубо Јурчиќ, претседател на Хрватското здружение на економисти.

Додава дека за просечен работник платата треба да биде 2.000 евра, минималната плата во Хрватска да изнесува 1.000 евра, а платата на високообразован специјалист со минимум две години работен стаж не треба да биде помала од 3.000 евра. 

Тој додава дека во Хрватска платата на високообразован работник не е доволна ниту за одржување на домаќинството.

Најбогатиот телекомуникациски сектор е најпрофитабилен сектор, а 25 отсто од работниците во тој сектор имаат плата под 1.000 евра.