Хероите имаат име и презиме: 19-годишниот Јован Костадинов од Виница спасил 20 деца од пожарот во Кочани!
19-годишниот Јован Костадинов од Виница е пример за човек со срце колку планина.
За неговото херојство овие денови масовно се пишува на социјалните мрежи.
Покрај сите тие објави, не може да не се забележи и објава на една мајка на својот Фејсбук профил каде вели дека токму на Јован му го должи новото утро, затоа што токму тој го спасил нејзиниот син.
„Со голема благодарност и емотивна почит, би сакал да го споделам херојскиот чин на Јован Костадинов од Виница, кој не само што ги спаси животите на 21 деца во трагичната несреќа во ноќниот клуб во Кочани, туку го спаси и мојот син. Во најтемните моменти на паника и хаос, кога сите беа збунети и во страв, Јован се појави како светлина на надеж. Без да размислува, го зеде мојот син кој беше под рушевините на дискотеката и го носеше на својот грб низ огнот и чадот, се до болницата во Кочани, со цел да го спаси, додека сите наоколу бегаа и се бореа за својот живот. Јован е вистински херој – младо момче со големо срце и неописива храброст, кој го ризикуваше својат живот за да спаси туѓи животи. Јован на тебе ти го должам новото утре, новата насмевка, новата надеж и новиот живот на мојот син. За тебе нема зборови кои можат да го искажат моето благодарност и почит. Благодарност од дното на срцето. Ти ми го даде најголемиот подарок што може да го добие една мајка, го спаси животот на моето дете. Ти ќе останеш засекогаш во моите молитви и во нашите срца“, пишува Јадранка Бреслиева.
Инаку, се работи за момче кое, исто така, е меѓу повредените лица.
