ГОЛОБ ЗА ПОТРЕБАТА ОД РАБОТНA СИЛА: Ни требаат нивните вредни раце и нивниот ум за Словенија да расте
Словенечкиот премиер Роберт Голоб вели дека Словенија има потреба од работна сила.
Тој рече дека Словенија географски се наоѓа на една од клучните миграциски маршрути, на јужнобалканската траса.
Од 300.000 илегални мигранти што влегле во ЕУ минатата година, околу 60.000 од нив преминале преку Словенија.
„Не може да бидеме слепи на фактот дека на пазарот на трудот му се потребни нови работници мигранти. Наша должност е да им помогнеме да се интегрираат. Затоа што ни требаат нивните вредни раце и нивниот ум за Словенија да расте. Ние сме тие што ги повикуваме и ние мора да се погрижиме да бидат што подобро интегрирани во општеството“, рече Голоб.
Во моментов, најмногу доаѓаат луѓе од Сирија и Авганистан и дека нема назнаки дека тој „проблем сам ќе се реши пред словенечката граница“.
„На секој Европски совет лидерите на земјите од ЕУ разговараат за тоа дека само со координирана акција може да се ублажи протокот на илегалните миграции“, истакна Голоб.
Голоб додаде дека Словенија има четири центри за азил, чии капацитети во моментов не се оптоварени, но ситуацијата се менува во летните месеци, кога миграцијата е поголема.
