ГОЛЕМА ИНТЕРНЕТ ИЗМАМА НА СОЦИЈАЛНИТЕ МРЕЖИ: Една од најголемите банки во Србија ги предупредува своите клиенти
Една од поголемите банки во соседна Србија, Уникредит банка ги предупреди клиентите и пошироката јавност дека е во тек интернет измамите во која се споменува името на банката и преку која граѓаните се повикуваат да вложат пари за да остварат брз профит.
„На интернет, пред се на социјалните мрежи, се споделува одреден линк и известување што содржи невистинити информации за наводната инвестициска платформа на Уникредит банка, која нуди брза заработка, која бара вложување пари. Уникредит банка Србија ги известува сите дека не стои зад таквите информации и дека се работи за измама“, соопштија од банката.
Оваа банка заради безбедност ги повика граѓаните да не учествуваат во споменатите активности, ниту да постапуваат според упатствата наведени во лажните вести.
„Банката ги презеде сите чекори за да спречи натамошни слични активности и ги потсетува сите граѓани да внимаваат кога од нив се бараат лични податоци преку социјалните мрежи“, се наведува во соопштението.
За што поскоро отстранување на измамните дејствија, банката ги повика сите граѓани секогаш да пријавуваат измамнички сметки на социјалните мрежи, за да бидат отстранети.
