ГЛАВЕН ДОБАВУВАЧ НА НАФТА ВО КИНА: Не е Саудиска Арабија, туку Русија
Русија стана најголемиот извозник на нафта во Кина, надминувајќи ја Саудиска Арабија.
Кинеската влада објави дека Русија ја престигна Саудиска Арабија како главен добавувач на нафта во Кина во првите два месеци од 2023 година, затоа што азиската земја купуваше санкционирана руска нафта со големи попусти.
Вкупно 15,68 милиони тони или 1,94 милиони барели дневно се извезени од Русија во периодот јануари-февруари. Тоа е за 23,8 отсто повеќе во споредба со 1,57 милиони барели дневно во истиот период лани, покажаа во понеделникот податоците од Генералната управа на царината. Русија ланската година беше втор најголем снабдувач на сирова нафта во Кина, снабдувајќи 86,2 милиони тони. Русија е под санкции поради војната во Украина. Европските земји ја намалија употребата на руски енергенси и се стремат кон целосна независност.
foto freepik.com/pablographix
