ФОТО Куче скитник нападна 5-годишно дете за време на фамилијарна вечера во Битола
Семејна вечера во Битола заврши со трагедија, откако 5-годишно дете било нападнато од куче скитник додека седело со своите најблиски.
Настанот се случил во текот на викендот, а според информациите, детето прво му давало храна на кучето, но кога престанало – кучето го нападнало.
Според сведоштва, детето се здобило со повреди во пределот на лицето, при што му било повредено окото. На фотографии од местото на настанот се гледа крв, што укажува на сериозноста на нападот.
Детето било веднаш пренесено во болница, каде му била укажана лекарска помош. Засега не е познат степенот на оштетување на окото.
Граѓаните се револтирани и упатуваат критики за негрижата на институциите во справувањето со популацијата на кучиња скитници во градот.
