ФОТО: Цистерна со нафта гори на патот Струмица-Радовиш
Утрово нешто по 09 часот и 30 минути на регионалниот пат Струмица-Радовиш пријавено е дека има возило во пламен. Како што дознава 4NEWS.mk станува збор за цистерна со нафта. Од АМСМ информираа дека патниот правец е целосно затворен за сообраќај, а возилата се пренасочуваат по стар пат.
„Денес во 09.18 часот, на регионалниот пат Струмица-Радовиш во близина на с.Владевци, ТППЕ Струмица со 2 ПП возила и 6 пожарникари – спасители интервенираше на гасење на запалена цистерна која превезувала дизел гориво. Благодарение на брзата интервенција пожарот е навремено локализиран и ликвидиран“, велат од противпожарната служба во Струмица.
Која е причината поради која избувнал пожар на цистерната со нафта, во моментов е нејасно. Причините ќе треба да ги утврди истрагата.
На терен се полиција, пожарна и Брза помош, а во моментов нема информации за тоа во каква состојба е возачот на цистерната.
Очевидци за нас велат дека среќа е што брза била интервенцијата на возачот и службите, во спротивно би можело да се случи голема катастрофа, како загадување на средината.
