Чулев: Оливер Спасовски се подготвува за претседател, а од МВР цели сектори заминуваат во приватни фирми или странство
Поранешниот технички министер за внатрешни работи Наќе Чулев утрово се огласни на друштвента мрежа Фејсбук со критики кон актуелниот министер Оливер Спасовски.
Тој пишува дека „Оливер Спасовски си го билда својот политички рејтинг со нарачани анкети и се подготвува за претседателската трка, Министерството за внатрешни работи се соочува со најголемиот кадровски „геноцид“ во последните триесетина година. Соочени со политички притисоци и малтретирања, катастрофални услови за работа, ниски плати, уништување на системот за кариера и непостење реален систем за мерење и вреднување на перформансите, секојдневно расте бројот на барањата на полициски службеници за спогодбено раскинување на работниот однос. Информациите кои стигнуваат од вработените, велат дека во еден ден или во една недела, вработени од цели сектори заминуваат од Министерството за внатрешни работи и одат на работа во странство или во приватни компании.
Кадри со високо образование, специјалистички обуки и со сериозно искуство во областа на безбедноста, решаваат својата кариера да ја продолжат во приватни компании, а троцифрен е бројот на вработени во Министерството за внатрешни работи кои побарале право на неплатен одмор, за да работат во објекти покрај море во некоја од соседните земји. Апсурдот е дотолку поголем што замислете келнер во некоја од земјите во соседството зема значително поголема плата, од човекот кој треба да се бори против криминалот во Македонија, да расчистува убиства, да се грижи за мојата и вашата безбедност или да ја гарантира сајбер безбедност на државата. Каков пораз на кадровската политика на Спасовски и СДСМ е професионалците од МВР, да се гледаат како работат келнери и готвачи во некое од соседните туристички места. Од сериозна институција во која беше престиж и привилегија да се работи, Министерството за внатрешни работи е претворено во институција од каде вработените масовно си заминуваат, младите не сакаат да работат, а се вработуваат стари и несоодветни кадри.
Флоскулите „Полицијата за граѓаните“ и „Отворени кабинети“ се само начин да се скриjaт политички притисоци, монтираните дисциплински постапки, незаконските унапредувања, фактот дека Спасовски пет години не може да изработи нова функционална систематизација на работните места и на крај да се скрие незадоволството на вработените кое ескалира од ден на ден. Само за компарација и за пример, полициите од соседните земји, земаат речиси дупло поголема плата од тие во Македонија, а и материјално-техничките средства и опрема со кои располагаат се неспоредливи. Во услови на двоцифрена инфлација, платите на вработените во Министерството за внатрешни работи се речиси исти, како пред 3 години, кога за време на Ковид кризата јас бев министер во техничката влада.
