Фаворитите без проблем, Катар на Вујовиќ повторно поразен

Сите три селекции славеа со двоцифрена разлика со тоа што за Данска ова е втор, а за Шведска и Исланд прв триумф на шампионатот. Данците го совладаа Тунис со 32-21 на крилјата на Гидсел кој постигна девет гола, Исланд славеше против Зеленортски Острови со 34-21, а најефикасен беше Торкелсон со осум гола, додека Швеѓаните беа најубедливи, триумфирајќи против Јапонија со 39-21 по осумте гола на Карлсон.

Најнеизвесно беше на дуелот меѓу Австрија и Катар каде европската селекција победи со 28-26. Најефикасен беше Фримел со девет гола, а Катар, чиј селектор е Веселин Вујовиќ, го доживеа вториот пораз и пласман во следната фаза ќе бара во последното коло, во дуелот со Кувајт.