ФАКТОР НА ДЕНОТ: Од 1 јули нова цена на струјата, а евтина дневна тарифа дури од декември

ОД 1 ЈУЛИ ЌЕ ИМАМЕ КОРИГИРАНА ЦЕНА  НА СТРУЈАТА

Дневната евтина тарифа на електрична енеригја се враќа дури од 1 декември, а во меѓувреме од следниот месец ќе има промени во цените по кои домаќинствата ќе ја плаќаат енергија. Едни, како што објави Фактор ќе плаќаа по уште пониски цени, други, по повисоки. 

Поточно, цената за потрошувачите од прва и втора категорија се намалува, додека за оние од трета и четврта се зголемува, објави Марко Бислимоски, претседател на Регулаторна комисија за енергетика

-Изминативе две години, Македонија се соочи со голема енергетска криза, која беше пред се ценовна. На неа се надоврза и конфликотот во Укрина што ја доусложни ситуацијата. И покрај проблемите, грејната сезона започна навреме, за разлика од земји во соседството. За 18 месеци се изградени и приклучени на мрежата нови обновливи извори на енергији, за што во првите пет месеци од годинава имаме увоз на електрична енергија од 12 проценти, што најмал откако увезуваме енергија – посочи претседателот на РКЕ. 

СТОБИСКИ СЕ ПОЈАВИ НА ТЕЛЕВИЗИЈА И ВЕЛИ ДЕКА ОВА Е ДИКТАТУРА

Епископот Јаков Стобиски денеска повторно се појави на телевизија, во студиото на ТВ Сител во рамки на попладневните вести, иако Комисијата за спречување и заштита од дискриминација вчера му препорача да не излегува во јавност „затоа што вознемирува со своите изјави дел од населението“.

Стобиски во студиото ваквата одлука ја нарече „диктатура“ откако Комисијата за спречување и заштита од дискриминација утврди дека епископот има извршено дискриминација врз основа на сексуална ориентација и родов идентитет во областа на јавното информирање и медиуми, за што побараа јавно да се извини, или во спротивно ќе му поднесе прекршочна пријава.

АВСТРИСКИОТ АМБАСАДОР СО ЖЕСТОКИ КРИТИКИ ЗА СУДСТВОТО

Фирма од Австрија не може да си наплати 4,5 милиони евра долг од зетот на семејството Заеви. 

Австрискиот амбасадор Георг Вуцас, преку допис до медиумите, упатува жестоки критики до македонското правосудство, барајќи да се разрешат сите судии и јавни обвинители, но и да им се укинат лиценците на извршителите и нотарите кои постапувале во спор што се води меѓу австриската компанија „АММА ДОО Хоенемс“ и валандовската фирма „ДЕНА трејд“ за производство на корнишони, поврзана со семејството на поранешниот премиер Зоран Заев.

ЧИТАЈТЕ УШТЕ

Бројките се немилосрдни и покажуваат дека Источна Македонија не е сиромашна иако има таков третман. Затоа што лани четири рударски компании од Источна Македонија оствариле приходи до продажба на руди и концентрат вреден 250 милиони евра, а од тоа компаните оствариле добивка поголема од 50 милиони евра. Целата таа добивка ќе заврши надвор кај сопствениците и акционерите на четирите рудници.

Регулаторната комисија за енергетика ги објави прифатените трошоци според кои се формира цената на електричната енергија за домаќинствата и малите потрошувачи на вчерашната подготвителна седница. 

Сезонските алергии се модерна епидемија од кои страдаат дури 600 милиони луѓе во светот. „Современата напаст“ може да предизвика сериозни компликации доколку не се стави под контрола и доколку не се третира соодветно, вели во разговор за Фактор, д-р Марјан Балоски, специјалист интернист и супспецијалист алерголог пулмолог.

Земјоделците кои се занимаваат со производство на грав, објаснуваат дека поради неповолните временски услови сезонава ќе имаат помало производство, а тоа ќе придонесе за повисока цена на оваа намирница.