Европски Сојуз за Промена: На Денот на образованието СДСМ и ДУИ продолжуваат со антиевропските политики.
Европскиот Сојуз за Промена истакна дека денеска, кога е Меѓународниот ден на образованието, образованието во нашата земја е во вистински колапс.
„Пред училиштата има шовинистички протести со цел попречување на правото на образование, учениците немаат книги, голем број албански училишта немаат основни услови за одржување на наставата.
А дека државата предводена од СДСМ-ДУИ е пошовинистичка и од Русија, тоа го докажува и фактот што токму пред училиштата се напаѓаат новинари и се прават обиди да се забрани слободата на говорот.
Европски сојуз за промена најостро ги осудува протестите кои се против наставата на албански јазик, но и нападот врз новинарите.
Бараме и од МВР да не спие, туку веднаш да дејствува и против насилстото брз новинарите и против оние кои сакаат да го запрат развојот на образованието на албански јазик.
Да не заборавиме дека власта сака да ни продава глупости дека живееме во земја со мултиетнички вредности и меѓуетничка толеранција. Од друга страна, кога прашањето е за Албанците, оваа власт поттикнува тензии“, порача Европски сојуз за промена.
