ЕСМ купува јаглен од концесионер кој копа во близина на РЕК Битола
Оваа фирма, во сопственост на Дриљон Ајдини и Панајотис Анастасијадис, од април 2022 има концесија да ја ископува оваа руда во Живојно, општина Новаци, каде што се наоѓа самиот рударско-енергетски комбинат на ЕСМ.
Договорот е склучен на 15 јануари за 250.000 тони јаглен по договорна цена по 400 денари од гигаџул. Вообичаено досегашните набавки на јаглен за РЕК Битола одеа преку „Протергија Енерџи“ во сопственост на грчки Митилинеос.
Инаку ЏМП Коп Интернатионал поголеми приходи започнал да запележува дури од 2023 по добивањето на концесијата. Во 2023 има прикажани приходи од 80-тина милиони денари, а претходно тие биле незначителни.
Оваа фирмаи нејзините претставници беа под истрага од Обвинителството затоа што во периодот од ноември 2022 до 3 март 2023 го оштетиле археолошкото наоѓалиште Влахо во Живојно. Следуваа и санкции поради тоа.
Истовремено ЕСМ три месеци нема пронајдено нов редовен партнер за ископ на јаглен во рудниците што се во негова сопственост во РЕК Битола, откако беше раскинат договорот со „Марковски компани“.
А.К.
