Ердоган: Внимателно ја следиме ситуацијата по серијата земјотреси
Претседателот на Турција, Реџеп Таип Ердоган денеска изјави дека сите релевантни единици во Турција се во состојба на готовност, по серијата земјотреси што го погодија регионот на Истанбул, од кои најсилниот беше 6,2 степени според Рихтеровата скала.
„Го следиме процесот многу внимателно. Засега се чини дека нема проблем“, рече Ердоган, според Си-Ен-Ен Турција.
Началникот на округот Силвири во Турција, кој беше најтешко погоден од земјотресите, Бора Балџиоглу, изјави дека во областа нема урнати згради и дека „продолжуваат напорите за скенирање“.
