ЕДНА ПРИКАЗНА, ЕДЕН ВЕК – ГАЗОЗА НАЈМНОГУ СЕ ИЗВЕЗУВА ВО АВСТРИЈА: Првиот човек на Прилепска пиварница, Сашко Самарџиоски во „Бизнис муабети“ на Фактор
За успешната
приказна која трае еден век, во „Бизнис муабети“ на Фактор говори Сашко
Самарџиоски, првиот човек на Прилепска пиварница. Овој разговор, како што вели, му е последен годинава по повод големиот 100-годишен јубилеј, а од следната година, на шега кажува дека ќе почнат подготовките за 200 години Прилепска пиварница. Со 270 вработени, оваа македонска компанија бележи импресивни финансиски резултати. Безалкохолниот пијалок Газоза се извезува во повеќе европски земји, но најмногу во Австрија, и тоа цели 20 години. Целиот разговор следува утре, гледајте „Бизнис муабети“ на Фактор во петок, 20.12.2024
Низ смеа вели дека прилепчаните
многу малку го пијат конкурентското пиво на Прилепска пиварница, односно „Даб“.
Самарџиоски посочува и дека бојата на пивските шишиња, односно дали е зелено или кафеаво говорат за различните вкусови на пивото, а во однос на материјалот на амбалажата, секогаш е подобар пијалокот во стаклено шише.
Добропознатата Газоза, Самарџиоски вели дека е најпропдавана во Австрија и тоа во изминатите 20 години, но исто така и во Германија, Швајцарија и во Австралија, Пивото пак, најмногу го извезуваат во Австралија и во последниве години во Албанија.
За разлика од Словенија, каде што пивото се конзумира дури 92 литри по глава на жител. статистиката за македонија вели дека тука пиво се пие 34 до 35 литри по глава на жител.
Се пошегува и за светската фудбалска легенда, Дејвид Бекам, кој своевремено рекламираше Пепси.
-Ми рече еден пријател, ајде да го донесеме на градскиот стадион во Прилеп…
-Остварениот профит во износ од два милиони евра не завршува во нашите џебови, иако луѓето кога ќе прочитаат на порталите колку профит сме оствариле, мислат дека тие пари се мои.
Секоја инвестиција која е направена во Прилепската пиварница е од сопствени извори, потенцира Самарџиоски, додавајќи дека 25 години немаат земено кредит за да инвестираат во компанијата.
-Една линија која ја направивме во 2013 година, токму за стаклена амбалажа, изнесуваше 7 милиони евра.
