Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 30.000 САДНИЦИ ЧЕКААТ НА ВОЛОНТЕРИТЕ ВО СВЕТИ НИКОЛЕ dm повикува на масовно пошумување, пријавувањето трае до 10 ноември
Македонија

30.000 САДНИЦИ ЧЕКААТ НА ВОЛОНТЕРИТЕ ВО СВЕТИ НИКОЛЕ dm повикува на масовно пошумување, пријавувањето трае до 10 ноември

21/10/2026

AA

Компанијата dm drogerie markt и оваа година ги повикува граѓаните да ги здружат силите и да станат дел од традиционалната акција за масовно пошумување во рамки на проектот „Пошумуваме заедно за позелено утре“.

На 22 ноември 2026 година, во селото Немањици, Свети Николе, ќе се одржи нова акција за пошумување, со која проектот ќе ја достигне бројката од 180.000 засадени дрвја ширум земјата од неговиот почеток. Пријавувањето е веќе отворено и трае до 10 ноември, односно до пополнување на предвидените места.

Сите што сакаат да придонесат за позелена животна средина треба да се пријават преку следниот линк.

Проектот „Пошумуваме заедно за позелено утре“ започна во 2022 година во скопско Миладиновци, а во изминатите години акциите за пошумување продолжија во близина на опсерваторијата Кокино, кај езерото Младост во Велес и во селото Калапетровци, во околината на Штип.

Покрај масовните акции за пошумување, во рамки на проектот се реализираше и садење дрвја во градинки и училишта низ државата, со што иницијативата доби дополнителна димензија во создавањето позелена средина за најмладите.

Проектот се реализира заедно со партнерите Македонско еколошко друштво (МЕД) и ЈП „Национални шуми“, со заеднички ангажман на вработените во dm и волонтерите кои од година во година се приклучуваат на акциите. Со претстојното пошумување во Свети Николе, оваа иницијатива продолжува да се шири на нови локации, обединувајќи ги сите што сакаат да дадат конкретен придонес за позелено утре.

„Она што пред 5 години започна како иницијатива за обновување и збогатување на зелените површини, денес прерасна во препознатлива традиција што ги обединува вработените во dm, волонтерите и граѓаните кои веруваат дека грижата за природата започнува со конкретни дела. Петта година по ред, проектот ‘Пошумуваме заедно за позелено утре’ продолжува да ги поврзува луѓето околу иста цел – создавање позелена и поздрава животна средина“, велат од dm дрогерие маркт.

Низ изминатите години, акциите за пошумување се одржуваа на различни локации низ Македонија, а секоја нова сезона носеше дополнителни садници и нови учесници подготвени да придонесат. Годинава, оваа зелена приказна продолжува во Свети Николе, каде што со засадувањето на новите 30.000 садници вкупната бројка ќе достигне 180.000 дрвја.

„Зад оваа бројка стојат години посветеност, заедничка работа и желба да се направи нешто добро за природата. А најубавиот дел од оваа иницијатива е што секој може да биде дел од неа! Не е потребно претходно искуство со садење дрвја, туку само желба да се придонесе и подготвеност еден ден да се посвети на активност што има значење и за идните генерации“, порачува компанијата.

Во пораката се вели и дека пошумувањето е можност да се помине време на отворено, да се запознаат луѓе со слични вредности и, најважно, со сопствени раце да се направи конкретен чекор кон позелено утре.

Компанијата ги повикува сите заинтересирани граѓани да се приклучат на петтото издание на масовното пошумување и заедно да придонесат за остварување на годинашната цел.

„Без разлика дали ќе дојдете сами, со пријателите или со семејството, ова е можност да бидете дел од иницијатива што остава траен позитивен придонес за животната средина“, се вели во текстот.

Фото: dm дрогерие маркт

.

Извор: plusinfo.mk

TACT.mk

Previous post
Next post
Последни Новини
Македонија

НА ВЛЕН МУ ОДГОВАРААТ ПРЕДВРЕМЕНИ, АМА ЗА СТАБИЛНОСТА СЕ ПОТРЕБНИ

09/11/2026
Македонија

ЕУ Ѝ НАНЕСЕ НЕПРАВДА НА МАКЕДОНИЈА Брисел пропушти шанса, некои

09/11/2026
Македонија

ПОЖАРОТ КАЈ БИТ-ПАЗАР Е ПОД КОНТРОЛА Опожарени делови од три

09/11/2026
Македонија

ОПШТИНАТА НЕ Е СПОСОБНА ДА СЕ СПРАВИ СО КРАВИТЕ, ПА

09/11/2026
Македонија

ГИ ГРАДИМЕ ТЕМЕЛИТЕ ЗА СЛЕДНИТЕ ПОБЕДИ Мицкоски на прослава на

09/11/2026
Македонија

ДО ВИКЕНД ТОПЛО И ДОЖДЛИВО, СО ТЕМПЕРАТУРИ НАД 20 СТЕПЕНИ

09/11/2026
Македонија

ГОЛЕМ ПОЖАР КАЈ БИТ-ПАЗАР Гори магацин, огнот го гаснат со

09/11/2026
Македонија

ЗАКОНОТ ЗА ЈАЗИЦИ СЕ ПОЧИТУВА ВО ИЈЗ, ДУИ НАПАЃА ОД

09/11/2026
  • Економија 7906
  • Магазин 4842
  • Македонија 46685
  • Регион 4000
  • Свет 20
  • Спорт 4718
СЛИЧНИ НОВИНИ ЗА ВАС

НА ВЛЕН МУ ОДГОВАРААТ ПРЕДВРЕМЕНИ, АМА ЗА СТАБИЛНОСТА СЕ ПОТРЕБНИ РЕДОВНИ ИЗБОРИ Гаши уверен дека

09/11/2026

Претседателот на Собранието, Африм Гаши, смета дека партиите треба да седнат на разговор за измените на Законот за јавните набавки,

ЕУ Ѝ НАНЕСЕ НЕПРАВДА НА МАКЕДОНИЈА Брисел пропушти шанса, некои работи отидоа предалеку

09/11/2026

Претседателот на Собранието Африм Гаши вели дека Европската Унија сторила неправда кон Македонија со тоа што по потпишувањето на Преспанскиот

ПОЖАРОТ КАЈ БИТ-ПАЗАР Е ПОД КОНТРОЛА Опожарени делови од три куќи, гаснеле 22 пожарникари

09/11/2026

Пожарот што избувна попладнево кај Бит-пазар во Скопје е ставен под контрола. Во интервенцијата учествуваа 9 противпожарни возила и 22

Novina.mk Novina.mk

©2022. All Rights Reserved.

Контакт
Privacy Policy