Единаесет повредени од пожарот во Кочани на лекување во странство
На денешниот брифинг со новинари, заменик-министерот на здравство, Јовица Андовски, вели вкупно 11 пациенти од повредените во пожарот во Кочани се лекуваат во странство.
„Од нив во Грција се тројца и тие се во добра, стабилна состојба, во Србија се четворица пациенти исто така во добра состојба, во Австрија е еден, стабилен и сместен на одделение, во Словенија е еден кој веќе посетува рехабилитација, а во Турција се двајца пациенти префрлени на одделение, на кои редовно им се прават преврски“, соопшти Андовски.
Како што информира на брифинг со новинарите, во изминатиот период тим експерти од Велика Британија спроведоа интензивни обуки на 45 здравствени работници за физикална и психолошка рехабилитација на пациентите.
-Обуките беа спроведени во пет јавни здравствени установи, во Клиниката за пластична хирургија, физикална медицина во ГОБ “8 Септември” и во болниците во Штип и Кочани. По препорака на англиските експерти рехабилитацијата ќе биде во Кочани за повредените да бидат поблиску до својот дом, истакна Андовски.
На брифингот по кој е најавена и прес-конференција, се и директорот на ФЗО Сашо Клековски како и директорката на Клиника за пластична хирургија Јасмина Ѓорѓиевска Павловска.
