Ејуп Рустеми: „Бехтел и Енка“договори илјада и нешто работници
Директорот на јавното претпријатие за државни патишта, Ејуп Рустеми, во емисијата „Аргумент Плус“ на ТВ24 денеска рече дека „Бехтел и Енка“, изведувачот на три автопатски делници, нема дојдено до посакуваната бројка на работници кои ќе бидат ангажирани на изградбата.
„Имавме саеми во сите градови и се ангажиравме да ги анимираме заинтересираните. Јас со бројка не можам да зборував, но очекувавме 2-3 илјада работници. Од она што го имаме како информација, се пријавиле само илјада и нешто. Но „Бехтел и Енка“ има отворен оглас и секој може да се пријави кога сака“, рече директорот на ЈП „Државни патишта“ во студиото.
Рустеми за автопатот Кичево – Охрид рече дека се бара странски експерт кој ќе превземе одговорност и ќе даде решение како да се реши проблемот со свлечиштата, како и тоа дека се бара за секоја од петте подделници да се преговара посебно со посебни рокови.
Тој дополнително отркива дека големо обештетување барале и бензинските пумпи кои се таму уште од времето на магистралниот пат и се чека решение од Бирото за проценки колкава ќе биде експропријацијата за нив.
Слични проблеми со свлечишта, односно со косините имало и на патот Ранковце – Крива Паланка.
