Движење БЕСА: Власта цел ден зборува против Русија, додека го рекламира рускиот фискален купон!
Движењето БЕСА со голема загриженост го следеше скандалот со промотивното видео на Владата на РСМ, каде на годишната конференција „Година на нови можности” се прикажува руски фискален купон.
Со ова, оваа Влада отворено докажува дека оваа година ќе биде година на промовирање не само на руските фискални купони, туку и на руската политика. Во промотивното видео, најлошото е што тоа го одобрија оние кои цело време трубат за европска коалиција, а од друга страна се чини дека не можат да се ослободат од рускиот феномен, секако поради врски и бизниси кои имаат структури на државата. Цело време, Европската унија искажуваше загриженост за руското влијание во Северна Македонија, но тоа, како и секогаш, не беше сфатено сериозно од Владата.
Затоа, ние како политички субјект предупредуваме дека земјата не се движи во добра насока кон ЕУ, туку овој пат остана само популистичка реторика. Министрите Албанци во Владата да излезат јавно да се објаснат пред јавноста и да се извинат за неоснованите обвинувања кон други политички субјекти. Бараме меѓународниот фактор да побара одговорност од Владата за овој скандал бидејќи Северна Македонија се изјасни дека ќе спроведе санкции против Русија, но всушност се случува спротивното.
