Двајца загинати за еден месец, узурпирани и скршени столбовите околу велосипедските патеки низ Скопје
Повеќето пластични столбови околу велосипедските патеки во општина Чаир се искршени за да можат да се паркираат автомобили.
Ова претставува проблеми за велосипедистите и пешаците, кои наместо на патеката, мораат да возат и одат по коловозот со што го ставаат во опасност својот живот.
Секојдневно во полициските билтени можат да се видат повредени пешаци, а не ретко загрозени се и оние кои возат тротинети.
Во извештајот на месец јуни тешко е повреден 76-годишен велосипедист, додека во болница завршило уште едно дете. Во јуни како последица на тешки повреди загинаа и двајца велосипедисти.
Иако од општината Чаир неколку пати се отстрануваат синџирите, сепак узурпаторите ги враќаа на место.
Извор: Клан
