Захарова вели Западот е против Србите и тие се „демонизирани“ за Сребреница

Вели дека Русија доследно се залага за објективна истрага на сите незаконски акции кои биле насочени против сите етнички групи, вклучувајќи ги Бошњаците, Србите и Хрватите.

„Демонизацијата на Србите е во спротивност со меѓународното право и не придонесува на постигнување вистински меѓунационален мир“, кажа Захарова. 

Таа ја повика јавноста настаните од периодот од 1992 до 1995 година да не ги толкуваат политичарите, туку научниците и историчарите.

„Политизацијата на овие прашања само ја засилува меѓунационалната напнатост и не може да помогне во решавањето на задачите кои се однесуваат на јакнењето на мирот и безбедноста во регионот“, порача портпаролката на руското МНР.

Захарова истакна и дека во последните денови во медиумите во Босна и Херцеговина се пласирале различни измислици за ставот на Русија за Сребреница.

За состојбата на српското население на Косово вели дека е тешка и дека се влошува. Таа вели дека Западот секогаш бил насочен против Србите.