🎥 ДВАЈЦА ХРАБРИ БИТОЛЧАНИ СПАСИЈА КУЧЕ ОД ДРАГОРОТ Нивниот подвиг ги одушеви граѓаните

Две момчиња од Битола, Даниел и Филип, вчера спасија куче од расата „златен ретривер“, извлекувајќи го од надојдените води на битолската река Драгор.

Двајцата храбри млади луѓе се спуштија по лизгавиот мост во водите на реката и со заеднички сили успеаја да го качат на мостот исплашеното, а прилично крупно куче. Во спротивно, кучето, немаше како да излезе од реката со соѕидано камено корито и сигурно ќе настрадаше во водата.

Нивниот повиг наиде на бројни реакции на одушевување од граѓаните, а видеото објавено од профилот „Бабам Битола“ нашироко се споделуваше на социјалните мрежи.

Многумина забележаа дека едниот од спасителите, кој го креваше кучето одоздола, имаше проблем самиот да се искачи по лизгавиот бетонски столб, но никој од присутните не му подаде рака. Понекогаш и на спасителите им треба помош. За среќа, спасувачката акција заврши успешно.

.