Дуда му порача на Зеленски дека треба конструктивно да соработува со Трамп
Полскиот претседател Анджеј Дуда денеска телефонски разговараше со украинскиот претседател Володимир Зеленски и му порача да остане „посветен на мирна и конструктивна соработка“ со американскиот претседател Доналд Трамп.
Дуда рече дека разговорот со Зеленки бил отворен, а во контекст на развојот на ситуацијата и по разговорот на украинскиот лидер со пратеникот на Трамп за Украина, Кит Келог.
Му кажав дека цврсто веруваме дека нема друг начин да се запре крвопролевањето и да се постигне траен мир во Украина освен со поддршката на САД“, напиша Дуда на својот профил на мрежата Х.
