ДРЖАВА КОЈА ТРИПАТИ БАНКРОТИРАШЕ ВО 21 ВЕК: Сега пак се во економска криза
Само во 21 век Аргентина банкротираше трипати и тоа во 2001, 2014 и 2020 година.
Погрешните економски политики доведуваат до криза, која обично е придружена со висок раст на цените. Има политичка и општествена свест дека се потребни промени, кои се обидуваат да се финансираат со заем од ММФ по поволни услови, но со услов да се спроведат структурни реформи.
Државата закрепнува, што секогаш повлекува одредена цена (на пример, раст на невработеноста). Тогаш има социјален и политички отпор поради новонастанатите проблеми, кои се резултат на обиди за стабилизација, па целиот систем брзо се враќа на старите навики, т.е. политики. Наскоро следува банкрот, а целиот циклус почнува одново.
Ако ги споредиме податоците на ОЕЦД, во 1910 година Аргентина имала повисок БДП по глава на жител од Шпанија, Шведска, Италија, Франција, Германија и Холандија. Но, денес, нејзиниот БДП по жител е само меѓу 40 и 55 отсто од споменатите држави од Европа. Неодамна Аргентина се соочи со екстремно висока инфлација, но и протести поради мерките на штедење.
foto Wikipedia/jennifrog
