Драма и солзи на судењето: Обвинителката се расплака додека го читаше исказот на Манев
На денешното судењето за убиствата на Вања и на Панче беше драматично и тажно, каде што исказ дава еден од обвинетите Велибор Манев.
Велибор Манев искажа грозоморни детали околу тоа како било планирано киднапирањето на Панче Жежовски, а потоа и на Вања Ѓорчевска, и дека всушност целата операција не се одвивала според планот.
Манев денеска кажа дека Панче требало да биде пикнат во дупка, и таму да седи 24 часа, а со неговото возило да се киднапира жена околу 40 години, и потоа да се побараат пари за откуп.
Меѓутоа и Манев останал изненаден кога Палчо веднаш го застрелал Панче Жежовски. Исто така било и при грабнувањето на Вања. Најпрво мислеле дека грабнуваат некоја повозрасна жена, а кога виделе дека е дете, мислеле дека е грешка. Меѓутоа Палчо потоа со перница во рака и со пиштол ја застрелал и Вања Ѓорчевска.
Поради тоа што исказите на обвинетиот Манев на денот кога беа пронајдени телата, не се поклопува со денешниот, обвинителството ги читаше првите два искази на Манев дадени во декември 2023 година.
Во еден момент додека читаше, обвинителката Ана Стојковиќ-Димитриовска се расплаче, па продолжи со читање другата обвинителка Жаклина Јосифовска.
Претходно и на таткото на Вања, Александар му беше влошена состојбата кога Манев објаснуваше како ја киднапирале Вања, па имаше пауза од судењето.
