Долгиот пат на словенската азбука
Голем дел од историјата на писмата е поврзана со Рим. Во црквата Санта Марија Маџоре, папата Адријан II ја освети словенската азбука. Тука се браќата Кирил и Методиј кои ги носат новите букви. Во оваа црква првата литургија се одржа не само на грчки и латински, туку и на словенски јазик. Во Рим се наоѓа и гробот на свети Кирил.
Базиликата Сан Клементе во Рим е местото каде што се чуваат моштите на свети Константин-Кирил Филозоф. Животниот пат на еден од креаторите на словенската азбука завршува во Рим. Но, долгиот пат на писмата започнува и од Рим.
„Кирил и Методиј одат во Рим да му ги предадат моштите на свети Климент на папата Адријан II и да побараат од папата благослов за новата азбука на словенските народи“, објаснува теологот Богдан Паташев.
Последната мисија на двајцата браќа е успешно завршена. Новите букви беа осветени и благословени од папата Адријан II во базиликата Санта Марија Маџоре. За прв пат се служеше литургија на словенски јазик, кој беше признат како еднаков на грчкиот и латинскиот, а нивните ученици продолжија.
Кирил почива во Рим и е погребан во базиликата Св. Климент“, каде се наоѓаат моштите на папата Климент – третиот папа во историјата на папите по св. Апостол Петар“, додава Паташев.
Истражувајќи ги архивите, монсињор Леонард Бојл дошол до големо историско откритие – ги пронашол моштите на Свети Кирил во капелата на едно старо италијанско семејство. Моштите со свечена церемонија беа положени во новата капела на црквата Сан Клементе.
Во 1980 година папата Јован Павле Втори ги прогласи светите браќа Кирил и Методиј за патрони на Европа.
