Доаѓа пеколна недела, температури до +43 степени во Македонија
Топлотниот бран во Македонија продолжува и од утре. Се најавуваат температури до +43 степени под сенка.
Времето утре ќе биде сончево и многу топло со мала локална облачност и со слаб до умерен ветер од северен правец. UV=10 Во Скопје сончево и многу топло со слаб претежно северозападен ветер.
Во вторник ќе биде сончево и многу топло со мала до умерена локална облачност. Ќе дува умерен, а вдолж Повардарието краткотрајно засилен ветер од северен правец. UV=10
Во среда ќе биде сончево и многу топло со слаб до умерен ветер од променлив правец. UV=10
Во четврток ќе биде сончево и многу топло со мала локална облачност од пладневните часови и со слаб до умерен ветер од променлив правец. UV=10
ВРЕМЕНСКА НАЈАВА
Подрачјето на нашата земја и во следниот период ќе биде под влијание на многу топла воздушна маса. Ќе биде многу топло, со дневни температури во поголемиот дел од земјава над 35, а наместа и над 40 степени поради што ќе биде активно портокалово ниво на опасност од високи температури. УВ индексот ќе има многу висока вредност 10.
МЕТЕО ПРЕДУПРЕДУВАЊЕ
Денес ќе биде многу топло. Дневни температури во поголемиот дел од земјава над 35, а наместа и до 40 степени поради што ќе биде активно портокалово ниво на опасност од високи температури. УВ индексот ќе има многу висока вредност 10.
