Димитриевски ги награди пожарникарите што помагаа во Турција
Градоначалникот на општина Куманово Максим Димитриевски, денеска во општината се сретна со хероите пожарникари од ТППЕ Куманово кои после девет дена се вратија од спасувачката мисија од Турција.
„На Игор Кузмановиќ, Стефан Крстевски, Александар Денковски, Владица Младеновски, Душан Цаневски им доделувам пофалница и парична награда за вонредно залагање и постигнати исклучителни резултати во работење во висина од износ на платата која ја примиле во последниот месец пред доделување на наградата. Браво момци, достојно ја претставивте нашата општина и нашите вредности на хуманост и солидарност, постапувајќи со висок професионализам и безусловно помагајќи на нашите пријателски народи кога е најмногу потребно“, потенцира Димитриевски.
