Десница: Службите на Владата да му подарат на Таравари македонски знамиња
Партијата Десница ги повика државните институции и заедничката служба на владата да му подарат македонски знамиња на Арбен Таравари, лидерот на Алијанса за Албанците кој на прес-конференција во Гостивар имаше само албанско знаме зад себе.
„Институциите да бидат професионални, принципиелни и експедитивни со Таравари како и со останатите граѓани кои го вееле старото историско
македонско знаме! Па така очекуваме да го посетат и потсетат Таравари дека е македонски градоначалник и коалиционен партнер во Владата на Македонија кој прима плата од македонскиот буџет благодарение на платените даноци на македонските граѓани!
Не само што парадира со знаме на туѓа држава, туку македонското државно знаме го ,,изгубил” во суетата и национализмот, а заборавил и дека македонскиот јазик е прв службен јазик на целата територија и дрско покажува дека не ја сака и почитува Македонија! Очекуваме институциите да постапат согласно
законските прописи и да го санкционираат ова самоволие и насилие и да покаже дека законите важат за сите.
Десница прашува дали Владата и институциите функционираат исклучиво само против старото историско македонско знаме?“, соопшти партијата.
