НА СВАДБАТА КАЈ ШЕШЕЉ НЕ ЈАДЕВ НИШТО И НЕ ПЕЕВ ЧЕТНИЧКИ ПЕСНИ: Вучиќ раскажа за веселбата на својот пријател

Српскиот претседател
Александар Вучиќ гостуваше во емисијата „Ќирилица“ на ТВ Хепи каде меѓу другото
го коментираше неговото доаѓање на свадбата на синот на Воислав Шешељ,
Александар Шешељ.

Пред неколку дена на социјалните мрежи почна да се шири
видео на кое се гледаат Шешељ и Вучиќ заедно со песна во која се величи
четничкиот војвода Павле
Ѓуришиќ.

Вучиќ изјавил дека пред пет месеци добил покана од
семејството Шешељ за црковна венчавка и крштевање деца, но за жал, не можел да
присуствува, пренесува Нова.рс.

„Сепак, тие организираа свечен ручек во ресторанот
„Радмиловац“, каде што одамна не сум бил. Семејството Шешељ сè убаво
организираше, имаше околу 200 луѓе. Сите постари кумови ги сместија на една
маса во аголот но не од непочитување, туку затоа што моето обезбедување рече дека им е најпрактично. На масата беа
старите кумови Лешиќ, Вујиќ, новиот кум Милован Бојиќ, старите кумови Вучиќи,
јас со татко ми и синот“, изјави Вучиќ во „Ќирилица“.

„Пиев сок и вода цел ден, ништо не јадев“

„Прво како гостин
му честитав на Александар и на целото семејство. Донесов подарок и бев многу почитуван
од домаќинот, испив две „зеро“кона коли,
знам што испив.

Кога пијам вино, велам дека сум пиел вино, а никогаш не сте ме ме виделе пијан. Цел ден пиев сок и вода. Дури и на
домаќините им беше непријатно. Ништо не јадев“, рече претседателот на Србија и
додаде дека на свадбата на Александар Шешељ имало музика како на секоја друга
прослава.

To što sramota čovečanstva @predsednikrs se napija zajedno sa zločincem Vojislavom Šešeljem je jedna prosta stvar o kojoj razgovaram sa strancima jako dugo, ukazujući na potpunu jednakost njih dvojice. To što se napija sa njim dok slušaju pesmu koja slavi Pavla Đurišića, četnika… pic.twitter.com/tHjpSe1T3I

— Advokat Čedomir Stojković (@FIGHT_4_RIGHT_S) June 11, 2023

Вучиќ вели дека не отпеал песна за четничкиот војвода

Коментирајќи ја спорната песна за четничкиот војвода
Ѓуришиќ, Вучиќ изјави дека „Воислав ги нарачал тие песни“ и дека „не слушнал ни
за половина од нив“. Додека бендот ја изведувал таа песна, тврди Вучиќ,
професорот Милован Бојиќ му побарал финасика помош за Клиниката на Дедиње.

„Се разбира, Баја Мали Книнџа доби најголем аплауз, не знам
како се вика песната. Еве да ги информирам тие експерти како изгледа на
српските свадби и на кои песни луѓето најмногу се возбудуваат“, рекол Вучиќ,
пишува Нова.рс.

Вучиќ рече и дека „нема да дозволи другите да му кажат дали
ќе се откаже или не од личноста која го крстила неговото постаро дете“.

ФОТО: Twitter