„Децата се безбедни, да не се создава паника“, вели Тренчевска

Министерката за труд и социјална политика Јованка Тренчевска денеска по новинарско прашање истакна децата се безбедни и дека не треба да се создава паника.

Според неа, убиството на 14-годишната Вања е изолиран случај.

„И министерот Спасовски и обвинителот вчера рекоа дека тоа е изолиран случај. Не треба да создаваме паника кај граѓаните дека децата не ни се безбедни. Децата се безбедни, меѓутоа токму и за тоа зборевме и на панелот дека новото време носи нови предизвици“, вели Тренчевска.

Тренчевска додава дека како МТСП каде што во надлежност се децата, сака да ги увери родителите дека децата се безбедни.

„Безбедни се училиштата, безбедни се установите од предучилишно образование, тука се институциите да работат на уште поголема сигурност и на семејствата и на секој еден граѓанин во државата“, подвлече Тренчевска