ДАЛИ Е ОВА СПАСОТ ЗА СИТЕ ВОЗАЧИ: Голем производител најавува гуми отпорни на дупнување
Реализацијата на гуми без воздух досега беше прилично неуспешна, но шефовите на Мишелин тврдат дека ги тестирале нивните гуми без воздух, наречени „Uptis“, со брзина до 210 километри на час. Тие со години развиваат и тестираат гуми без воздух, а сега француската компанија објави кога овие гуми би можеле да бидат во сериско производство.
„Не посетија полицајци од некои европски земји и рекоа дека ги сакаат тие гуми на нивните автомобили кога ги бркаат лошите момци“, изјави неодамна потпретседателот на Мишелин, Бруно де Ферауди. Предноста на гумите без воздух за полицијата е што е невозможно да се дупнат при пукање.
Гумите Uptis се појавија на Chevrolet Bolt 2019 и 30 Toyota HiAce DHL возила за испорака во Сингапур оваа година за да ја тестираат нивната употребливост при релативно мали брзини. Сега знаеме дека гумите можат да се користат со многу поголеми брзини, иако кој и да е зад воланот мора да биде многу храбар. Мишелин не потврди на кое возило биле тестирани гумите, но рече дека станува збор за „нормални полициски возила“.
Планот е овие гуми да бидат лансирани во текот на 2024 година, но Мишелин се уште не сака да го потврди точниот датум. Сепак, како што пренесува N1, француската компанија тврди дека гуми без воздух ќе бидат опција и нема да ги заменат нормалните гуми во нивната понуда.
„Засега тоа не е нешто што ќе се развива на пошироко ниво. Сè уште работиме на нови решенија бидејќи многу учиме со Аптис“, изјави Де Ферауди.
„Uptis ќе биде многу корисен за автономните возила бидејќи кај самоуправувачките автомобили луѓето нема да бидат воодушевени кога системот ќе им каже дека дупната гума“. Сепак, нашиот план не е гумите без воздух да ги заменат сите пневматици, бидејќи тие првенствено ќе бидат наменети за одредени видови возила каде што пукањето на гумата би било голем проблем“, изјави извршниот директор на Мишелин, Флоран Менего.
Тој откри дека компанијата била во преговори со Tesla за тестирање на гумите Uptis.
„Сега водиме различни разговори со Џенерал Моторс, Тесла и други производители на возила“, додаде тој.
Мишелин исто така се пофали дека овие гуми поминале повеќе од три милиони тест километри. Гумите без воздух дефинитивно може да имаат светла иднина, доколку има доволно храбри да ги тестираат при уште поголеми брзини.
