ЦУК: Континуитет за прекугранична соработка за подобрување на ефикасно и рано откривање на шумски пожари, со зголемена прецизност, намалување ниски стапки на лажни аларми и способност за 24/7 работа
Денеска (09.11.2023), во дворот на Регионалниот ЦУК Струмица, во присуство на директорот на ЦУК, заменик Директорот, националните партнери во проектот Центарот за развој на Југоисточниот плански регион, како и вработените во РЦУК Струмица, се изврши примопредавање на возило FORD KUGA ST X LINE со ИКТ опрема за ноќни операции добиено од реализација на Проект за ефикасно откривање и управување со шумски пожари со цел зголемување на подготвеноста и размена на практики со Грција („еФИДАР“ – eFIDAR)
Конкретно, преку реализирање на проектот за рано откривање на пожари и нивно движење за превенција и справување со катастрофи eFIDAR, со финансиска помош од ИНТЕРРЕГ ИПА Програмата за прекугранична соработка помеѓу Република Грција – Република Северна Македонија, 2014-2020, се изврши примопредавање на набавеното теренско возило FORD KUGA ST X LINE со ИКТ опрема за ноќни операции.
Основната цел на ова возило а врз основа на надлежностите и задачите како и следење на состојбите со пожари возилото преку GPS, е планирано да биде поврзано со дроновите и Командниот центар во Струмица заради ефикасно рано откривање на шумски пожари, со зголемена прецизност, намалување ниски стапки на лажни аларми и способност за 24/7 работа што ќе го покаже потенцијалот на ваквата иновативна технологија којашто ќе придонесе кон рано предупредување за ризик од катастрофи од шумски пожари.
