ЦУК: 1.652 повици на Единствениот број за итни случаи 112 во последното деноноќие

Во Центарот за управување со кризи (ЦУК), според последниот извештај имало вкупно 1.652 повици на Единствениот број за итни случаи 112 во последното деноноќие. „Реални“ повици биле 42,37%, а 57,63% други, именувани како „неитни повици“, што биле за други потреби на граѓаните или едноставно не биле итни.

Повици за итни случаи на 112, што се за комбинирано решавање кон ЦУК, имало 10,80% од „реалните“. Тие повици, заедно со другите 57,63% „неитни повици“ (972 вкупно), биле предмет на примање и обработка од дежурните оперативци во Секторот Е-112 во содејство со Секторот за операции и координација во ЦУК.

Распределбата на повиците за итни случаи, согласно генералната природа на настаните за коишто граѓаните се јавувале, била следната: кон Полиција биле упатени 53,60%, кон Итната медицинска помош 33,60%,а кон пожарникарите 2,00% од повиците од 112 во ЦУК.