ЦРНА ГОРА ОТПАЃА, ЕП ОТВОРА КАНЦЕЛАРИЈА ВО АЛБАНИЈА: Рама се гордее и најави голем настан

Eвропскиот Парламент(ЕП) отвора канцеларија за Западен Балкан во Албанија. Тоа го потврди и албанскиот премиер Еди Рама и најави голем самит на НАТО на 16 мај, каде ќе присуствуваат 46 држави. 

„ЕУ отвора неколку канцеларии, а Албанија станува земја домаќин на канцеларијата на Европскиот парламент во Тирана. Уште една канцеларија ќе биде отворена во Молдавија, на границата со Русија“, соопшти Рама.

Европскиот парламент (ЕП) ќе отвори канцеларија во Албанија за дополнително зајакнување на својот ангажман во Западен Балкан, јавија албанските медиуми. Според соопштението на ЕП, новата канцеларија на ЕП во Тирана ќе служи како клучна точка за контакт меѓу ЕП и националните парламенти, граѓанското општество и локалните партнери од Западен Балкан, „во контекст на зголемените геополитички тензии и обновениот моментум на проширувањето на ЕУ“. 

Во моментов, ЕП има три оперативни претставништва – во Њујорк, Џакарта и Адис Абеба и одлучи да отвори канцеларија во Молдавија за дополнително да го зајакне својот ангажман во регионот на Источното партнерство.