Човечка глава е најдена во кеса за смет на Крит

При селектирање на мешан отпад во фабрика во Акротири на грчкиот остров Крит, работниците кои го селектирале ѓубрето се згрозиле кога виделе како човечка глава испаѓа од кеса и веднаш ги известиле институциите.

Локалните медиуми јавуваат дека прво се верувало дека се работи за женска глава, но истрагата покажала дека се работи за глава на маж со темна кожа, најверојатно со азиско потекло, на возраст од 30-40 години. Состојбата на телото укажува дека грозоморното злосторство веројатно се случило во последните десет дена. Се смета дека останатите делови од телото се во други кеси. Полицијата во моментов се обидува да утврди кој камион ја донел кесата со глава, затоа што во таа фабрика доаѓа смет од сите општини од Хање на Крит. Во фабриката  дошол и лекарски вештак, а во полиција во последно време нема пријавено исчезнато лице.

Медиумите во Грција пишуваат дека се очекува да биде особено тешко решавањето на злосторството поради затворената заедница на странци со азиско потекло кои се очекува да бидат цел на органите на прогонот.

фото: принтскрин