Чоколадо од Дубаи пред германскиот суд
Чоколадото од Дубаи е само она што се прави во Дубаи, одлучи регионалниот германски суд во Келн во процесот против ланецот супермаркети Алди.
Судот пресуди дека Алди повеќе не може да им го нуди на клиентите својот производ произведен во Турција, кој го нарекува Дубаи чоколадо, пренесува Тагешаус.
Алди тврди дека на задната страна на производот пишува дека потекнува од Турција, но судот не го прифатил овој аргумент бидејќи името на производот „Aluan Dubai Handamede Chocolate“ може да ги збуни потрошувачите и да ги наведе да заклучат дека чоколадото е произведено во Дубаи.
Тужбата ја поднесе увозникот на кондиторски производи Андреас Вилмерс, кој продава чоколадо од брендот Фекс произведено во Дубаи во Германија.
Во декември, Вилмерс покрена слични тужби против синџирот супермаркети Лидл и швајцарскиот производител на слатки Линдт, кои се уште се во тек.
Линдт се брани со тоа што поимот „Дубаи чоколадо“ се однесува на специфичен тип на производ, а не на чоколадо со потекло од најголемиот град во Обединетите Арапски Емирати.
Чоколадата од Дубаи стана многу популарна благодарение на социјалните мрежи Инстаграм и Тикток, а цената достигна неколку стотици евра. Цената за 100 грама дубајско чоколадо во продажба може да достигне 20 евра.
