ЦЕНЗУРА ВО ЛЕРИН: Градоначалникот ја забрани „Софка на татко“ – може музика, но не и македонски зборови

Скандал ја одбележа празничната прослава на Коледе во Лерин (Флорина). Традиционалната веселба беше прекината од политиката, откако градоначалникот Василеос Гианакис директно интервенираше да се забрани пеење на македонски јазик.

Инцидентот се случил за време на настапот на музичкиот бенд „Ендопика“. Додека музичарите се подготвувале да ја изведат познатата македонска народна песна „Софка на татко“, добиле „ладен туш“ од градските власти. Им било јасно укажано:

Оваа директива го претворила културниот настан во демонстрација на моќ и цензура врз македонското малцинство.

За активистот за правата на Македонците во Грција, Павле Васкопулос, овој чин не е изненадување, туку продолжување на долгогодишната практика на заплашување.

Медиумите (ТВ 24) се обидоа да добијат официјален став и објаснување од Општина Лерин за потегот на градоначалникот Гианакис, но до овој момент, грчките локални власти одбиваат да коментираат зошто една песна предизвикува толкав страв и забрани во 21-от век.