НОВ ЦЕНОВНИК ОД 1 ЈАНУАРИ: Партиципацијата скока од 40 на 60 денари – ФЗО најавува три проширувања на Позитивната листа и „лов“ на антибиотици

Граѓаните од 1 јануари ќе плаќаат поскапа партиципација за здравствени услуги. Директорот на Фондот за здравствено осигурување (ФЗО), Сашо Клековски, најави „симболично“ зголемување на цените, но и сериозна инекција на средства во здравствените установи, како и ригорозни контроли за употребата на антибиотици.

Според новата одлука:

Клековски појасни дека ова е дел од поширока реформа на цените на специјалистичките пакети, кои не биле променети повеќе од една деценија. Фондот драстично ја зголемува цената што им ја плаќа на болниците за извршен преглед:

За 2026 година, директорот најави амбициозен план за лековите. Позитивната листа на лекови ќе биде проширена дури трипати во текот на годината, со посебен фокус на терапиите за кардиоваскуларни заболувања, кои се најчеста причина за смртност во земјава.

ФЗО најавува војна против нерационалното трошење лекови. Се воведуваат построги контроли и казни за матичните лекари кои ќе ги надминат квотите за препишување антибиотици и анксиолитици (лекови за смирување). Клучната алатка ќе биде воведувањето на Е-рецепт, кој треба да го спречи притисокот од пациентите врз докторите.